合約容許結婚 Kelly情未變等做劉太

與拍拖16年的男友屢傳婚訊的陳慧琳，最近竟傳出戀情觸礁、男友已遷出同居愛巢云云，昨日她化身「爆波美人」出席活動時，澄清只是「未嫁住」，絕非「嫁唔去」！
陳慧琳（Kelly）昨日出席百貨公司重新命名活動，大會安排她藏身於一個直徑三米的巨型氣球內，當氣球爆開時，她即破球而出，營造「一鳴驚人」之勢！雖然爆炸聲震耳欲聾，但「點都要靚」的她堅持以靚樣拍照，她說：「爆??唔驚，因為唔係好大聲，但爬入去就驚喇！因為聽唔到聲。」她表示在氣球中足足逗留了近二十分鐘，更轉了幾次甫士。

個唱戰衣性感
談及與男友劉建浩（Alex）的分手傳聞，對感情事「定過抬油」的Kelly逐一澄清：「感情冇問題。（話你男友搬走？）一路都唔係一齊住。（親口承認唔結婚？）冇講過，唔知點解咁寫！（報道指你受合約限制唔可以結婚？）冇呢類合約！」她還踢爆男友為此事不開心：「因為張相好醜樣，眼都未開，仲咁舊添！」由於目前尚有電影及演唱會工作在手，她揚言暫時未考慮結婚。

演唱會舉行在即的她，日前試穿性感的孔雀「戰衣」，她在腰間及胸下比畫說：「愈剪愈短，中腰變低腰。」形象設計奚仲文還提議她穿臍環，但她因怕痛而婉拒。


堅持以靚樣拍照的陳慧琳，舉手投足充滿美態